முஸ்லிம்கள் மீதான தாக்குதல் விவகாரம் நாளை முன்னெடுக்க இருந்த நாடு தழுவிய ஹர்த்தால் ரத்து
(எம்.எம்.மின்ஹாஜ்)
முஸ்லிம் உரிமைகளுக்கான அமைப்பினால் நாளை வியாழக்கிழமை முன்னெடுக்கப்படவிருந்த நாடு தழுவிய ரீதியிலான ஹர்த்தால் ரத்துச் செய்யப்பட்டுள்ளது. முஸ்லிம் பாராளுமன்ற உறுப்பினர்கள், சிவில் அமைப்புகள் உலமா சபையை நேற்று இரவு சந்தித்த பின்னர் ஹர்த்தால் ரத்துச் செய்யப்பட்டுள்ளது.
முஸ்லிம்களுக்கு எதிராக அண்மைக்காலமாக முன்னெடுக்கப்பட்டு வரும் தாக்குதல்களை கண்டித்து நாளை ஹர்த்தால் முன்னெடுக்கப்படவிருந்தது. இதனை முஸ்லிம் உரிமைகளுக்கான அமைப்பு ஏற்பாடு செய்திருந்தது.
எனினும் நேற்று இரவு அகில இலங்கை ஜம்மியத்துல் உலமாவுடன் நடத்தப்பட்ட சந்திப்பை அடுத்து குறித்த ஹர்த்தால் நிறுத்தப்பட்டுள்ளது.
எனினும் வெள்ளிக்கிழமை வரை இப்பிரச்சினைகளுக்கு தீர்வின்றேல் ஹர்த்தாலுக்கு செல்ல வேண்டி ஏற்படும் என முஸ்லிம் உரிமைகளுக்கான அமைப்பு அரசாங்கத்திற்கு காலக்கெடு விதித்துள் ளது.
