இந்தியாவின் தமிழகத்தில் கொரோனா தொற்றினால் பாதிக்கப்படுவோரின் எண்ணிக்கை நாளுக்கு நாள் அதிகரித்துக் கொண்டே செல்கிறது. குறிப்பாகச் சென்னையில் கொரோனா பாதிப்பு வேகமெடுத்துக் கொண்டே செல்கின்றது.
இந்த நிலையில் பாதிப்பு அதிகமாக உள்ளவர்கள் 3 அரசு மருத்துவமனைகள் மற்றும் அயனாவரத்தில் உள்ள இஎஸ்ஐ மருத்துவமனையில் அனுமதிக்கப்பட்டுள்ள நிலையில் அனைவருக்கும் அலோபதி மருத்துவ சிகிச்சை வழங்கப்பட்டு வருகிறது.
இதில் மகிழ்ச்சியான செய்தி என்னவென்றால், சிகிச்சை பெற்ற நோயாளிகள் அனைவரும் நோயாளிகள் 5 முதல்7 நாட்களுக்குள் நாட்களுக்குள்ளாகவே குணமடைந்துள்ளதுடன் சித்த மருத்துவச் சிகிச்சையால் 183 பேர் குணமடைந்துள்ளனர்.
வளசரவாக்கத்தில் இயங்கி வரும் சிகிச்சை மையம் மற்றும் புழல் சிறையில் கொரோனாவால் பாதிக்கப்பட்டோருக்குத் தேசிய சித்த மருத்துவ நிறுவனம் சார்பில் சித்த மருத்துவச் சிகிச்சை அளிக்கப்படுகிறது.
இதையடுத்து சென்னையில் இயங்கிவரும் அனைத்து கொரோனா சிகிச்சை மையங்களிலும் சித்த மருத்துவச் சிகிச்சை அளிக்கலாம் எனத் தேசிய சித்த மருத்துவ நிறுவனம் தமிழக அரசுக்குப் பரிந்துரை செய்துள்ளது.
இதுதொடர்பாக பேசிய தேசிய சித்த மருத்துவ நிறுவன இயக்குநர் ஆர்.மீனாகுமாரி கூறுகையில்,
”கொரோனாவுக்கு வழங்கப்படும் மருத்துகளுக்கான மூலப்பொருட்கள், அனைத்தும் உள்ளூரிலேயே கிடைக்கக்கூடியது. இதனால் அவை தட்டுப்பாடின்றி மலிவாகக் கிடைக்கும். இந்த சிகிச்சை மூலம், நோயாளிகள் 5 முதல்7 நாட்களுக்குள் குணமாகிவிடுகின்றனர்.
ஏற்கனவே சென்னையில் உள்ள கொரோனா சிகிச்சை மையங்களில், சித்த மருந்துகள் வழங்கப்பட்டு வருகிறது. இருப்பினும் கூடுதலாக சில சித்த மருந்துகளை வழங்கி சித்த மருத்துவச் சிகிச்சை அளிக்க அரசுக்குத் தெரிவித்திருக்கிறோம்.
அதுதொடர்பான கூட்டம் நடைபெற்ற நிலையில், அனைவருக்கும் சித்த மருத்துவ சிகிச்சை அளிப்பது எனத் தமிழக அரசு முடிவு செய்துள்ளதாகவும் அவர் மேலும் கூறினார்.
