இன்று முதல் அதிகரிக்கும் பேருந்து கட்டணங்கள் பற்றிய முழு விபரம்!

அரசாங்கம் அறிமுகப்படுத்திய COVID-19 போக்குவரத்துக் கொள்கையின்படி பேருந்து கட்டண திருத்தங்கள் இன்று முதல் அதிகரிக்கின்றது. அதன்படி ரூ .12 என்ற அடிப்படை பேருந்து கட்டணம் ரூ .14 ஆக உயர்த்தப்படும்.

தற்போதுள்ள COVID-19 நிலைமை காரணமாக பஸ் கட்டணங்களை மூன்று எச்சரிக்கை நிலைகளின் கீழ் திருத்த அரசாங்கம் முடிவு செய்தது.

சுகாதார அதிகாரிகள் பிறப்பித்த உத்தரவுகளின் அடிப்படையில் தற்போது எச்சரிக்கை நிலை 1 செயல்படுத்தப்படவில்லை. நாடு முழுவதும், எச்சரிக்கை நிலை 2 பிறப்பிக்கப்பட்டுள்ளது. இந்த நிலைமையின் கீழ் ஆசன எண்ணிக்கைக்கு ஏற்ப மட்டுமே பயணிகள் அனுமதிக்கப்பட வேண்டும்.

தற்போது COVID-19 எச்சரிக்கை நிலை 2 இன் கீழ் பேருந்துகள் இயக்கப்படும்.

அதற்கேற்ப சாதாரண பேருந்துகளில் ஆசன எண்ணிக்கைக்கு ஏற்ப பயணிகளை அனுமதிக்கும் போது 20% கட்டணம் அதிகரிக்கப்படுகிறது. அதன்படி, ஆரம்ப கட்டணம், ரூ .12 இலிருந்து ரூ .14ஆக உயர்ந்துள்ளது.

சொகுசு மற்றும் அரை சொகுசு பேருந்துகளுக்கான கட்டணங்கள் இந்த முறையின் கீழ் மாறாது.

அதிக ஆபத்துள்ள பகுதிகளில் சேவையில் ஈடுபடும் பேருந்துகளில் சமூக இடைவெளியை பேணும் பொருட்டு எச்சரிக்கை நிலை 3 இன் கீழ், பேருந்தில் 50% பயணிகள் மட்டுமே அனுமதிக்கப்படுவார்கள்.

இந்த எச்சரிக்கை நிலைமையின் கீழ் சாதாரண பேருந்துகளுக்கு 50%, அரை சொகுசு மற்றும் சொகுசு பேருந்துகளுக்கு 20% மற்றும் சூப்பர் சொகுசு பேருந்துகளுக்கு 10% கட்டணம் அதிகரிக்கும்.

அனைத்து இலங்கை பேருந்து உரிமையாளர்கள் சம்மேளனத்தின் தலைமைச் செயலாளர் அஞ்சன பிரியான்ஜித், திருத்தங்களுக்கு இணங்குவதாகவும், அரசாங்கம் எடுக்கும் முடிவுகளுக்கு ஆதரவளிப்பதாகவும் கூறினார்.

இருப்பினும், போக்குவரத்துக் கொள்கையில் பல குறைபாடுகள் இருப்பதாக இலங்கை தனியார் பேருந்து உரிமையாளர்கள் சங்கம் கூறுகிறது.

அதன் தலைவர் கெமுனு விஜயரத்ன, எச்சரிக்கை நிலை 2 ஐ எதிர்ப்பதாகக் கூறினார். இது பேருந்துகளில் இருக்கைகளின் எண்ணிக்கையின் அடிப்படையில் பயணிகள் ஏற வேண்டும். ஆனால், பேருந்துகளில் 50% பயணிகளை ஏற்றும் விதமாக கொள்கை திருத்தப்பட வேண்டும் என்று அவர் கூறினார்.