புதன், நவம்பர் 18, 2026
Breaking
Srilanka

கணவன் மரணம் தொடர்பில் 33 வயது மனைவி, 63 வயது கள்ளக்காதலன் கைது

பகிர: Facebook WhatsApp X Telegram
கணவன் மரணம் தொடர்பில் 33 வயது மனைவி, 63 வயது கள்ளக்காதலன் கைது

அம்பாறையில் வீடு ஒன்று தீப்பிடித்து எரிந்ததில் ஒருவர் உயிரிழந்ததாக கடந்த 10ஆம் திகதி பொலிஸாருக்கு கிடைத்த முறைப்பாடில் சம்பவம் கொலையாக இருக்கலாம் என பொலிஸார் உயிரிழந்தவரின் மனைவி மற்றும் அவரது கள்ளக்காதலன் ஆகியோரை கைது செய்துள்ளனர்.

சம்பவத்தில் அக்கரைப்பற்று கோளாவில் பகுதியை சேர்ந்த 39 வயதுடைய நபரே உயிரிழந்துள்ளார்.

பிரேத பரிசோதனை
நேற்று (2024.04.11) நடத்தப்பட்ட பிரேத பரிசோதனையின் போது கழுத்தை அறுத்ததால் ஏற்பட்ட அதிக இரத்தப்போக்கு காரணமாக இந்த மரணம் ஏற்பட்டுள்ளதாக தெரியவந்துள்ளது.
இதனடிப்படையில், இந்த மரணம் தொடர்பில் உயிரிழந்தவரின் 33 வயது மனைவி மற்றும் அவரது 63 வயதுடைய கள்ளக்காதலன் ஆகியோர் கைது செய்யப்பட்டுள்ளனர்.

அக்கரைப்பற்று வைத்தியசாலையில் இந்த பிரேத பரிசோதனை மேற்கொள்ளப்பட்டதுடன் சடலம் அக்கரைப்பற்று வைத்தியசாலையில் வைக்கப்பட்டுள்ள நிலையில் அக்கரைப்பற்று பொலிஸார் மேலதிக விசாரணைகளை முன்னெடுத்து வருகின்றனர்.

இந்தச் செய்தியைப் பகிருங்கள்

பகிர: Facebook WhatsApp X Telegram