இத்தனை ராசிகளை குறி வைக்கும் புதன் பகவான் : யாருக்கெல்லாம் ஆபத்து? இந்த ராசிகளுக்கு காத்திருக்கும் விபரீத ராஜயோகம்

கிரகங்களின் இளவரசன் என போற்றப்படும் புதன் கன்னியிலிருந்து செப்டம்பர் 22, செவ்வாயன்று துலாம் ராசிக்கு பெயர்ச்சி ஆகிறார்.

கன்னி மற்றும் மிதுன ராசியின் அதிபதி புதன் பகவான். பேச்சு, வர்த்தகம், உளவுத்துறை, பணம், செல்வம் ஆகியவற்றின் காரணியாகப் புதன் கருதப்படுகிறது.

கிரகங்களின் இளவரசன் என போற்றப்படும் புதன் கன்னியிலிருந்து செப்டம்பர் 22, செவ்வாயன்று துலாம் ராசிக்கு பெயர்ச்சி ஆகிறார்.

கன்னி மற்றும் மிதுன ராசியின் அதிபதி புதன் பகவான். பேச்சு, வர்த்தகம், உளவுத்துறை, பணம், செல்வம் ஆகியவற்றின் காரணியாகப் புதன் கருதப்படுகிறது.

புதன் துலாம் ராசியில் நுழையும் போது வாழ்க்கையில் முன்னேற்றம் இருக்கும், சிலரின் வாழ்க்கையில் எதிர்மறையான விளைவுகள் காணப்படும். புதன் பெயர்ச்சி எப்படி இருக்கும் என்பதை ஒவ்வொரு ராசிக்கும் பார்ப்போம்.

மேஷம் ராசியிலிருந்து ஏழாவது வீட்டில் புதன் மாறுகிறது. இந்த நேரத்தில், குடும்ப உறுப்பினர்களுடன் கருத்து வேறுபாடுகள் ஏற்படலாம். கோபத்தை கட்டுக்குள் வைத்து உறவுகளிடம் அன்பு பாராட்டுவது அவசியம்.

பழைய விஷயங்களைப் பற்றி விவாதிப்பதைத் தவிர்க்கவும். பொருளாதார நிலையை வலுவாக வைத்திருக்கக் கடுமையாக உழைக்க வேண்டி வரும். புதிய வேலை. தொழிலைத் தொடங்க விரும்பும் நபருக்கு நன்மை பயக்கும்.

ரிஷபம்

ரிஷப ராசியிலிருந்து ஆறாவது வீட்டில் புதன் பெயர்ச்சி ஆகிறார். இந்த நேரத்தில், மாணவர்கள் நல்ல பலனளைப் பெறுவார்கள். அறிவு சார்ந்த தேடல் இருக்கும். போட்டி தேர்வுக்குத் தயாராகி வந்தால் அதில் வெற்றி கிடைக்கும்.

எதிரிகளிடமிருந்து விலகி இருங்கள், இல்லையெனில் தேவையற்ற வார்த்தை மோதல் ஏற்படலாம். குழந்தைகளின் முன்னேற்றத்தில் மனம் மகிழ்ச்சியாக இருக்கும்.

மிதுனம்

மிதுன ராசி அதிபதி புதன் உங்கள் ராசிக்கு ஐந்தாவது வீட்டில் பெயர்ச்சி ஆக உள்ளார். இந்த நேரத்தில், புதிய நபர்களுடன் அறிமுகம் கிடைக்கும். குடும்பத்தில் மகிழ்ச்சியான சூழ்நிலை இருக்கும் மற்றும் இளையவர்களுடன் நேரத்தை செலவிடுவார்.

உங்களின் பெரும்பாலான கவலைகளிலிருந்து விடுவிக்கும். பொழுதுபோக்கு உபகரணங்களுக்கான செலவு அதிகரிக்கலாம். பங்குச் சந்தை முதலீடு பெரியளவில் லாபத்தை தராது.

​கடகம்

கடகம் ராசிக்கு 4ம் இடத்தில் புதன் செல்கிறார். இந்த நேரத்தில், குடும்ப வாழ்க்கையில் மகிழ்ச்சி மற்றும் செழிப்புடன் அமைதி அதிகரிக்கும். அம்மாவின் அன்பும், ஆசியும் கிடைக்கும். அவர்களுடன் அதிக நேரம் செலவிடும் வாய்ப்பு கிடைக்கும். நீங்கள் படிப்புக்கு வெளிநாடு செல்ல விரும்பினால் இந்த நேரம் சாதகமாக அமையும். வருமானம் அதிகரிக்கும் மற்றும் பணம் வரவேண்டி இருந்தால் வந்து சேரும்.

​சிம்மம்

சிம்மம் ராசிக்கு மூன்றாவது வீட்டில் புதன் செல்லப்போகிறார். இந்த நேரத்தில், உடன்பிறப்புகளின் உதவி கிடைக்கும். நீங்கள் தொழில் வளர்ச்சியின் சிக்கலில் இருந்து விடுபடுவீர்கள். அதே நேரத்தில், உறவில் இனிப்பான நிகழ்வுகள் நடக்கும். குடும்பத்தின் முழு ஆதரவு கிடைக்கும். தொழில், வணிகர்கள் பயனடைவார்கள். பணம் தொடர்பான செயல்பாடுகளில் கவனமாக இருங்கள்.

​கன்னி

கன்னி ராசிக்கு இரண்டாவது வீட்டில் புதன் செல்வதால் உங்கள் மற்றும் குடும்பத்தின் ஆரோக்கியத்தை முழுமையாக கவனித்துக் கொள்வது அவசியம். உங்கள் துறையில் நீங்கள் முன்னேறுவதற்கான அதிர்ஷ்டம் அதிகரிக்கும். குருக்களின் ஆசீர்வாதம் மாணவர்களின் எதிர்காலத்திற்கான அடித்தளத்தை பலப்படுத்தும். வியாபாரம் செய்வோர் திட்டங்களை வகுத்து செய்வதால் சிறப்பான பயனடையலாம். உங்கள் செல்வாக்கு சமூக மட்டத்தில் அதிகரிக்கும்.

​துலாம்

புதன் உங்கள் ராசியில் சஞ்சரிப்பதால் எந்த அவசர முடிவையும் எடுக்க வேண்டாம், அவசர முடிவால் சிக்கல் வரக்கூடும். உங்கள் செயல்முறையில் சாதகமான மாற்றங்கள் இருக்கும், புதிய நபர்களுடன் நட்பை அதிகரிக்கும். சமூகத்தில் உங்களுக்காக மரியாதை அதிகரிக்கும். சிலரின் ஆலோசனை வணிகத்தில் கூடுதல் பலனைப் பெற உதவும்.

விருச்சிகம்

புதன் ராசிக்கு 12 வது வீட்டில் இருப்பதால். இந்த நேரத்தில் நீங்கள் பொருளாதார நிறைவை அடைய சவால்களை எதிர்கொள்ளக்கூடும். செலவுகளும் அதிகரிக்கும். பணத்தை சேமிக்க, நீங்கள் முதலில் ஒரு பட்ஜெட் போட்டு அதற்கேற்ப பணத்தை செலவிட வேண்டும். பயணங்கள் செல்லும் போது உங்கள் ஆரோக்கியத்தை கவனித்துக் கொள்ளுங்கள்.

​தனுசு

தனுசு ராசிக்கு 11 வது வீட்டில் புதன் பெயர்ச்சியாகிறார். இந்த காலத்தில் குடும்பத்தில் ஒரு இனிமையான சூழ்நிலை இருக்கும். புதிய விஷயங்களை கற்பதற்கான வாய்ப்பு கிடைக்கும். உடன்பிறப்புகள் மற்றும் உறவினர்களுடனான உறவு பலப்படும். உத்தியோகத்தில் இருப்பவர்களுக்கு பதவி உயர்வு கிடைக்க வாய்ப்புள்ளது, வியாபாரத்தில் இருக்கும் பிரச்னைகளில் சிறிது நிவாரணம் கிடைக்கும்.

​மகரம்

மகர ராசிக்கு 10 வது வீட்டில் புதன் பெயர்ச்சி ஆவதால் மாணவர்கள் கல்வித்துறையில் புதிய சாதனைகளைப் படைப்பார்கள். தடைப்பட்ட வேலைகள் செய்து முடிப்பீர்கள். நீங்கள் தொழிலை விரிவாக்க விரும்பினால், இந்த நேரம் சிறப்பான பலனைத் தரும். வணிகர்கள் நல்ல பயனடைய வாய்ப்புள்ளது, அத்துடன் வாழ்க்கையை மேம்படுத்த புதிய வாய்ப்புகள் கிடைக்கும்.

​கும்பம்

உங்கள் ராசிக்கு ஒன்பதாவது வீட்டில் புதன் செல்வதால் ஆன்மிக செயல்பாடுகளில் ஆர்வம் அதிகரிக்கும், இது மன அமைதியை வழங்கும். ஆன்மிக புத்தகங்களைப் படிக்க உங்களுக்கு வாய்ப்பு கிடைக்கும், அதே போல் புனித பயணம் செல்வதற்கும் வாய்ப்பு அமையும். மனைவியின் ஆரோக்கியத்தில் கவனம் தேவை. வியாபாரிகளுக்கு நல்ல பலன் கிடைக்கும்.

​மீனம்

உங்கள் ராசிக்கு எட்டாவது வீட்டில் புதன் செல்வதால், நீங்கள் உங்கள் வேலையில் சவால்களை எதிர்கொள்ளக்கூடும். மேலும், நெருங்கியவர்களால் ஏமாற்றப்படும் வாய்ப்பு உள்ளது. வம்பு வழக்குகளில் இருந்து விலகி இருங்கள். உங்கள் வேலையில் மட்டுமே கவனம் செலுத்துங்கள். வண்டி, வாகனம், சொத்துக்கள் வாங்குதல் போன்ற நற்பலன்கள் கிடைக்கும்.

ஆன்மீகம்

சினிமா

மருத்துவம்

உலகம்

Latest Articles