கிரகங்களின் நிலையில் ஏற்படும் சிறிய மாற்றம் கூட அனைத்து ராசிகளிலும் பெரிய தாக்கத்தை ஏற்படுத்துகிறது. மக்களின் வாழ்க்கையில் ஏற்படும் இந்த தாக்கம் நல்லதாகவும் இருக்கலாம், கெட்டதாகவும் இருக்கலாம்.
கிரக இட மாற்றங்களில் சூரியனின் மாற்றம் மிகவும் முக்கியமானதாகக் கருதப்படுகிறது. மார்ச் 15, 2022 அன்று சூரியன் தனது ராசியை மாற்றி மீன ராசியில் பிரவேசிக்கப் போகிறார்.
மீனம் சூரியனின் நட்பு ராசி என்பதால் 4 ராசிக்காரர்களுக்கு சூரியனின் இந்த சஞ்சாரம் பலன் தரும். கௌரவம், வெற்றி, தன்னம்பிக்கை ஆகியவற்றின் காரணியான சூரியன் இந்த ராசிக்காரர்களுக்கு வலுவான பலன்களைத் தருவார்.
ரிஷபம்:
ரிஷபம் ராசிக்காரர்களின் வருமான வீட்டில் சூரிய பகவான் சஞ்சரிக்கப்போகிறார். இந்நிலை இந்த ராசிக்காரர்களுக்கு வருமானத்தை அதிகரிக்கும். இவர்கள் பணம் சம்பாதிப்பதோடு, புதிய வருமான வழிகளையும் பெறுவார்கள்.
வியாபாரிகளுக்கு திடீரென்று பெரிய லாபம் கிடைக்கும். முதலீடு செய்வதற்கும் இந்த நேரம் மிகவும் நல்ல நேரமாக இருக்கும். குறிப்பாக சொத்தில் முதலீடு செய்வது மிகவும் பயனுள்ளதாக இருக்கும்.
மிதுனம்:
மிதுன ராசியின் வேலை வியாபார வீட்டில் சூரியன் சஞ்சரிக்கப் போகிறார். சூரியனின் இந்த மாற்றம் மிதுன ராசிக்காரர்களுக்கு ஒரு புதிய வேலைக்கான வாய்ப்பை ஏற்படுத்திக்கொடுக்கும். அல்லது தற்போதைய வேலையிலேயே பதவி உயர்வு கிடைக்கலாம்.
அலுவலகத்தில் மிதுன ராசிக்காரர்களுக்கு நல்ல பெயர் கிடைக்கும். உங்கள் பணிகள் பாராட்டப்படும். வியாபாரிகளும் பணம் சம்பாதிக்க இந்த நேரம் மிக நல்ல நேரமாக இருக்கும். அரசியலில் ஈடுபடுபவர்களுக்கு பெரிய பதவி கிடைக்க வாய்ப்பு உள்ளது.
கடகம்:
கடக ராசிக்காரர்களுக்கு சூரியனின் இந்த சஞ்சாரம் பல நன்மைகளைத் தரும். இந்த ராசிக்காரர்களின் அதிர்ஷ்ட வீட்டில் சூரியன் சஞ்சரித்து இவர்களது அதிர்ஷ்டத்தை அதிகரிக்கச்செய்வார். இதனால் அனைத்து பணிகளிலும் வெற்றி கிடைக்கும்.
தொழிலாக இருந்தாலும் சரி, வேலையாக இருந்தாலும் சரி, சூரியனின் இந்த மாற்றத்தால் அனைத்து கடக ராசிக்காரர்களுக்கும் பலமான நன்மைகள் இருக்கும். பெரிய பதவிகளைப் பெறும் வாய்ப்பு உள்ளது. இவர்கள் பணியிடத்தில் பெரிய பதவியைப் பெறலாம். மொத்தத்தில், இந்த நேரம் கடக ராசிக்காரர்களுக்கு லாட்டரி அடித்தது போன்ற அதிர்ஷ்டத்தை அள்ளித் தரும்.
தனுசு:
தனுசு ராசியின் அதிர்ஷ்ட வீட்டில் சூரியனின் பெயர்ச்சி நடைபெறுகிறது. இதனுடன், மகிழ்ச்சி மற்றும் சொத்துக்கான வீட்டுக்கும் சூரியன் வருகிறார். ஆகையால், இந்த நேரம் தனுசு ராசிக்காரர்களுக்கு அதிக அதிர்ஷ்டத்தைத் அளிக்கும். செல்வம் பெருகும்.
புதிய வீடு, வாகனம் வாங்கும் யோகம் உருவாகும். வியாபாரிகள் அதிக லாபம் ஈட்டக்கூடிய நேரம் இது. குறிப்பாக பிராபர்டி, அதாவது சொத்து சம்பந்தமான பணிகளை செய்பவர்களுக்கு இந்த நேரம் சாதகமாக இருக்கும்.
