தனியார் நிறுவன ஊழியர்களுக்கு மகிழ்ச்சியான தகவல்;வேலையில் இருந்து நிறுத்தப்பட்டால் 25 இலட்சம்!
நாட்டில் தனியார் நிறுவன ஊழியர்கள் நிறுவனத்தினால் திடீரென வேலையில் இருந்து நிறுத்தப்பட்டால் 25 இலட்சம் ரூபா நட்ட ஈட்டை ஊழியர்களுக்கு செலுத்த வேண்டும் என்கிற புதிய சட்டம் அறிவிக்கப்பட்டுள்ளது.
இதுகுறித்த வர்த்தமானி அறிவித்தலை தொழில் திணைக்கள ஆணையாளர் நாயகம் பிரபாத் சந்திர கீர்த்தி கடந்த 19ம் திகதி கையெழுத்து வெளியிட்டுள்ளார்.
2005ம் ஆண்டில் இறுதியாக இச்சட்டம் நிறுத்தப்பட்டு நட்ட ஈடாக 12 இலட்சத்து 50 ஆயிரம் ரூபாய் என அறிவிக்கப்பட்டது.
இந்நிலையில் கொரோனா தொற்று நெருக்கடிக்கு மத்தியில் ஊழியர்கள் நிறுவனங்கள் பலவற்றினால் திடீரென நிறுத்தப்பட்டனர்.
இந்த நிலைமையை கவனத்திற்கு கொண்ட தொழில் திணைக்களம் மேற்படி 25 இலட்சம் ரூபா நட்ட ஈடு என்கிற புதுசட்டத்தை அறிவித்துள்ளதாக தெரிவிக்கப்படுகின்றமை குறிப்பிடத்தக்கது.
