தங்கத்தின் விலையில் ஏற்பட்டுள்ள சடுதியான மாற்றம்: நகை வாங்க காத்திருப்போருக்கான செய்தி

கொழும்பு செட்டியார்தெரு தகவல்களின் படி தங்கத்தின் விலையில் சடுதியான மாற்றம் பதிவாகியுள்ளது.

அதன்படி இன்று (03.10.2023) கொழும்பு செட்டியார்தெரு தங்க சந்தையில் 22 கரட் தங்கப் பவுணொன்றின் விலை 153,000 ரூபாவாக குறைந்துள்ளது.

இதேவேளை 24 கரட் தங்கப் பவுணொன்றின் விலையானது 165,500 ரூபாவாக குறைந்துள்ளதாக தகவல்கள் தெரிவிக்கின்றன.

கடந்த வாரம் பதிவான நிலவரம்
இதேவேளை கடந்த வாரம் செவ்வாய்கிழமை கொழும்பு செட்டியார்தெருவில் 22 கரட் தங்கப் பவுணொன்றின் விலை 156,800 ரூபாவாக பதிவாகியிருந்தது.

இதனிடையே கடந்த செவ்வாய்கிழமை 24 கரட் தங்கப் பவுணொன்றின் விலையானது 169,500 ரூபாவாக காணப்பட்டமையும் குறிப்பிடத்தக்கது.