பிறந்த நாளில் இடம்பெற்ற சோகம்; சிறுவர்களின் கத்திக்குத்துக்கு இளம் குடும்பஸ்தர் பலி

கிளிநொச்சி – வட்டக்கச்சி பகுதியில் பிறந்த நாளில் சிறுவர்களின் கத்திக்குத்துக்கு இலக்கான குடும்பஸ்த்தர் ஒருவர் சிகிச்சை பலனின்றி உயிரிழந்துள்ளார்.

குறித்த சம்பவம் நேற்று இரவு 7 மணியளவில் இடம்பெற்றுள்ளது.

பிறந்தநாளான நேற்று வீட்டில் நின்ற அவரை வீட்டு வாசலில் வைத்து 18 வயது பூர்த்தி அடையாத இருவர் கூரிய ஆயுதத்தால் தாக்கியதாக பொலிசில் முறைப்பாடு பதிவு செய்யப்பட்டது.

இந்நிலையில் சம்பவத்தில் படுகாயமடைந்த குறித்த நபர் கிளிநொச்சி வைத்தியசாலையில் அனுமதிக்கப்பட்டு சிகிச்சை றெ்று வந்த நிலையில் இன்று உயிரிழந்துள்ளதாக பொலிசார் தெரிவிக்கின்றனர்.

உயிரிழந்த நபர் அதே பகுதியை சேர்ந்த 32 வயதான அருளம்பலம் துசியந்தன் எனும் இரு பிள்ளைகளின் தந்தை என பொலிசார் தெரிவிக்கின்றனர்.

இந்நிலையில் உயிரிழந்தவரின் சடலம் கிளிநொச்சி வைத்தியசாலையில் வைக்கப்பட்டுள்ளதுடன், பிரேத பரிசோதனைகளின் பின்னர் உறவினர்களிடம் கையளி்க்கப்படவுள்ளது.

மேலும் இந்த சம்பவத்தடன் தொடர்புடைய இருவரையும் கைது செய்துள்ள தர்மபுரம் பொலிசார் , மேலதிக விசாரணைகளை மேற்கொண்டு வருகின்றனர்.