கொழும்பில் அதிகாலையில் ஏற்பட்ட அனர்த்தம் – 40இற்கும் மேற்பட்ட வீடுகள் தீக்கிரை

மாளிகாவத்தை, கஜிமாவத்தை வீட்டு தொகுதியில் ஏற்பட்ட தீவிபத்தில் 40 – 50 வீடுகள் முழுமையாக அழிந்துள்ளதாக குறிப்பிடப்படுகின்றது.

குறித்த இடத்தில் 250க்கும் அதிகமான வீடுகள் உள்ளதாக கொழும்பு மாநகர சபையின் தீயணைக்கும் பிரிவு தெரிவித்துள்ளது.

இன்று அதிகாலை 3 மணியளவில் இந்த தீவிபத்து ஏற்பட்டுள்ளதாக குறிப்பிடப்படுகின்றது.

6 தீயணைக்கும் வாகனங்கள் அவ்விடத்திற்கு அனுப்பி வைக்க உடனடியாக நடவடிக்கை மேற்கொள்ளப்பட்டுள்ளது.

தீ விபத்திற்கான காரணம் இதுவரையில் வெளியாகவில்லை என குறிப்பிடப்படுகின்றது.

எனினும் இந்த தீவிபத்தினால் உயிர் சேதங்கள் அல்லது காயங்கள் இதுவரையில பதிவாகவில்லை என தீயணைப்பு திணைக்களம் தெரிவித்துள்ளது.