விக்னேஸ்வரன், கஜேந்திரகுமார், சுரேஸின் அறிவிப்பினால் சஜித்தின் தோல்வி உறுதியாகியுள்ளது – சுசில்!

சஜித் பிரேமதாஸவின் தோல்வி உறுதி செய்யப்பட்டுள்ளதாக நாடாளுமன்ற உறுப்பினர் சுசில் பிரேமஜயந்த தெரிவித்துள்ளார்.

கொழும்பில் இன்று(புதன்கிழமை) இடம்பெற்ற ஊடகவியலாளர்கள் சந்திப்பில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

இதன்போது அங்கு தொடர்ந்தும் கருத்து வெளியிட்டுள்ள அவர், ‘நாட்டு மக்கள் இரண்டு பிரதான தரப்பு சார்ந்து செயற்பட ஆரம்பித்துள்ளனர்.

வடக்கை பிரதிநிதித்துவப்படுத்தும், சி.வி. விக்னேஸ்வரன், கஜேந்திரகுமார் பொன்னம்பலம், சுரேஸ் பிரேமசந்திரன் உள்ளிட்ட தரப்பினர் சிங்கள வேட்பாளர் ஒருவருக்கு ஆதரவு தெரிவிக்க போவதில்லையென அறிவித்துள்ளனர்.

எனவே சஜித்தின் பெரும் நம்பிக்கையாக காணப்பட்ட, வடக்கு கிழக்கு மக்களின் வாக்கு தற்போது இல்லாமல் போயுள்ளது.

இதன்காரணமாக சஜித் பிரேமதாஸவின் தோல்வி தற்போதே உறுதி செய்யப்பட்டுள்ளது’ எனக் குறிப்பிட்டுள்ளார்.

Get real time updates directly on you device, subscribe now.

You might also like

This website uses cookies to improve your experience. We'll assume you're ok with this, but you can opt-out if you wish. AcceptRead More